<3 Natur Pur <3

 dNatur? ech beshriib jetzt mou was das vör mech bedütet :) ond zwor uf shwiiizerdütsch xD

auso natur esh vör mech öpis vom wechtigshte und ech wörd säge wen mer zesht mou was änderet, denn das, dass semer ehre sholdig! sie get eus so vell und mer nänd und nänd nor ohni öpis zrog zgäh, ossert abfall, zb. ide see(e) (luzerner-fäsht) ganz shlimm, uf de fälder, ide wälder, ned mou en brötliplatz chamer suuber halte hötzutags, bahnhöf (ok s chlinere problem, die hend jo personal wo de abfall wäg möched, arbetsbeshaffig, so werds gnennt), chamer jetzt verstoh wie mer wot, aber ech meins ned positiv! de blog do sell aber dorchus positiv sii, zersht muessi eifach chli ufröttle, de chopf wäshe, es esh eifach voll vörig all dä abfall abbode z rüehre oder wo he au emmer! uf jedefall fend ech super wärde buesse verteilt, mou en gshiidi idee, respäkt ad polizei, he xD  (applaus) sie hends verdient, ach kommt shoon! :) nei spass bei seite! 

mer sette weder lehre respäkt ha vo de natur, mer sette  weder chli lehre met ehre eis z wärde (cha verstoh wen das jetzt ned jede glich gseht)! es wär eifach sicherlich einiges schöner ohni so vell abfall, aber jo au wenn mer das ihalte, möchets ganz grossi mächt vo obe zunichte idems zb. US Militär MILLIONE LITER  nervegas bide ostköshte is meer kippt (Bilderberger-Blog)! es esh eifach truurig und niemer wots wohr haa! wachet uf, liebs volk!

so jetzt zum guete teil :)

natur bedütet vör mech frei siii, ech los de wälder zue und ech fühl mech guet debi, gspöhrid ehr das? :) fröshi loft vo de bäum, oder de gshmack vonere tanne..mhhmm.. ben ech froh chan ech shmöcke! de waldbode, so ahhgnähm weich.. 

natur bedütet, flüüge, im wasser, shwereloos sii und abshalte, seele baumle loh, alles mou vergässe und sich loh triibe loh! (am beshte ufm rögge i hemmu ufe luegend:)

natur bedütet, so veell, d luft wo mer iihatme, chüehl oder shwüühl, es esh doch eifach es guets gfüühl..! de chond velecht no de doft vo heu dezue oder blueme, de gshmack vo ärde, oder wens nochme sommertag rägnet.. ahh ech lieb die sache! 

oder dusse sii amne füürli, met holz.. d wärmi gspöhre, de wald ghöre, d loft atmee, i hemmu ufe luege und die wundershööne stärne betrachte.. oder wolke hehe.. en sonne-uf odr untergang, sho öfters erläbt :) 

das send vör mech wärt, wo mis läbe usmöchid und ned wie stohn ech i dere gsellshaft do, ben ech guet gnueg, chom ech pönktlech, verdien ech gnueg gäld ect..! jo ech weiss es esh mini chli, eiget wäut aber das fänd ech mönshlicher als das höt! es gäb bestemmt gnueg wo wörde shaffe vör nüd (ech wär so, sofort debi) wen jede alles hät womer bruucht zom läbe, gnueg gäld uf de wält häts um jede mönsh uf dere wundershöön äärde tiptop z versorge, hender gwösst? auso sell mer niemer cho, es goht ned, es ging aber mer ziehts jo ned iin betracht! es müesst ke hongerländer gäh, es het ned z vell Co2 ide loft (neui stüür vör das) im gägeteil, mer hend zwenig, hender das gwösst? überbevölkerig, falsch! jede einzeln mönsch uf de ganze wält hät nähmlich nor sho in austarlie genügend platz (theoretish gseh natürlich)! 

naja, uf jedefall weti no säge, abfall ned a bode gheie, sell sowiso ned es müesse sii sondern sälbshtverständlich und au ned es, jooo wens niemer andersht so macht, brengts jo nüd, sondern es, ech maches vör mis guete gwösse, mis wohlbefinde, vör niemer anndersht! eifach mou umdänke, d wält neu gstalte! esh natürlich zemli wiit dänkt! aber wenn jede so wörd dänke bi allem, dami mer hättes soo shöön! ech gloub das esh mine troum, aber sehr unlogish, ech gloube au darom han echs so shwerig do min platz zfiinde! 

ech läbe inere wält, wonech absolut ned verstoh, es get so vell womer ändere chönt! so vell wo machbar wär, umdänke, kommunikation weder loh ufläbe! so velli chlini sache chönt mer ändere, ech mein bispell beziehige, vo mönsh zu mönsh, det muess mer au ade chlinikeite zersht shaffe und de s grössere ziel i agreff näh, sösht klappets ned! aber wenn mer natürlech ned verstoht, ned wot gseh, denn werds ergendwenn kapott goh! aber da d mönshheit chorz vorem verdomme esh, chash das eh vergässe! nor sho eusi shmartphones send en chline shritt ufd verdommig he, vorallem bezoge uf, kommunikation!

ech wot au no mou säge, all das was ech do shriibe esh absolut mis dänke und nur mis, um gottes wille ech wot do niemer demet bechehre oder so, ech mein das wär jo ned besser, wie en chille oder en sekte, en diktator oder was au emmer, ech wot do absolut niemerm mini meinig ufdröcke! ech ghör ned zu dene, neiineiii! ech wot au niemer tüshe und säge alles esh shlächt! ech mein ech läbe au, be glöcklich dasi do be, ha mis lache noni verlehrt, die chline sache lohni mer ned loh näh und träum daf mer jo ha aber es macht mi  halt doch oft nochdänklich! und es esh guet so, vör mech stemmts so!

es macht mer rechtig spass, shriibe, nochedänke, klar machts mi au oft hässig, secher, aber das nehmi gärn i chouf. 

eusi natur, ahh wie herrlich sie esh, ech wörd am liebshte jedes shöne plätzi erforshe, mit eigne auge gseh.. nor sho de bleck ines meer oder es moonfäld, odr au id berge ufe, ide wüshti osse, egal wo, esh doch eifach nor befredigend..! 

eusi tierli, send quasi au vo der natur, klar teiilwiis au zocht, goni jetzt aber nöcher druf ih, sheiss genetik züüg! was sie eus alles gäänd, sie send alli so vershiide und hend doch ehri ufgab, s biindli macht de honig, de hond esh en treue begleiter und spinne ässit die läshtige mogge :) so nehmt alles sin louf.. chöntit ehr ohni tier läbe? aso ech ned, niemals! niemer esh eim so treu ergäh, fühlt sech gliebt und geborge, shätzt wen du heichonsh und dech met ehne abgesh, mer mönshe send verantwortlech, dass die tierli wo mer bsetzid au artgrächt und liebevoll behandlet wärdet und es shöns läbe chönd füehre, so wies alli verdient hend, sie hend au es härz, ech nehme ah sogar velecht teiilwiis sowas wiene seele, si gspöhret shmärze, also gänd ehne so vell wiener nor chönd, sie gänd dopplet so vell zrog! 

mer shätzt leider höt nor no, de luxus, mer wot nor meh. alles esh ersetzbar, alles verlüht a wärt! ech frog mech mängish wies sowiit het chöne cho, wiso het mer das ned gseh cho? es cha ned funktioniere, so! ech rede ned vo höt oder morn.. ech mein min traum esh au einish e famillie z grönde, ech han emmer gseid, ech wot das, aber zurziit muess ech mech froge, wot ech das? was wen mis chend au mou so müeh het wie ech unds ned besser werd, es muess sech öpis ändre, dasses besser werd! so wiit ben ech afe.. was werd passiere, werd ech wohl nie erfahre aber ech hoffe, velli anderi wärdets besser erläbe! 

so ech chome gloub mou zom shloss und hoffe euch hets gfalle, velecht chönder jo no öpis drus use näh, wer weiss das öberlohn ech euch ganz ellei :) dänkid dröber noche und de blog "phoesie" chönt au no helfe z verstoh was ech meine, met all dene shööne, chline näbesache! de bleckwenku usere andere siite, wiit wäg vo dere wält do! :) 

teiilwiis uf de ärde hend ned mou liecht, d sonne shiiint es wiili ned, vellne orte hend so vell weniger als mer do und die send glöcklicher eso, natürlech ned öberall trefft das zue aber wasi wot säge esh, weniger esh halt doch meh! wahre worte!

wenn mer grad bi wohre wort send do no es paar weiiisii zitat vo grosse lüüt:

"Alles, was gegen die Natur ist, hat auf die Dauer keinen Bestand."

Charles Darwin (1809-1882)

"Wir leben in einem gefährlichen Zeitalter. Der Mensch beherrscht die Natur, bevor er gelernt hat, sich selbst zu beherrschen."

Albert Schweitzer (1875-1965)

"Wenn man die Natur wahrhaft liebt, so findet man es überall schön."

Vincent Van Gogh (1853-1890)

"Wer sich mit der Natur verträgt, dem tut sie nichts."

Henry Miller (1891-1980)

"Alle Handlungen, alle Werke, alles Karma, gehören zur Natur, nicht zum Göttlichen. Der Mensch ist es, der sein irdisches Los bestimmt. Die Menschen besiegeln ihr Schicksal selbst."

Danke vörs läse :)